ვებ-გვერდის მოხმარების პირობები და წესები

თქვენ საშუალება გექნებათ, ისარგებლოთ ელექტრონული შესყიდვების პორტალით და მასთან დაკავშირებული მომსახურებით, თუ დაიცავთ ქვემოთ მოცემულ მომხმარებლის წესებსა და პირობებს. გთხოვთ, გულდასმით გაეცნოთ ქვემოთ მოცემულ ინფორმაციას. სისტემაში მომხმარებლად რეგისტრაციით თქვენ ვალდებულებას იღებთ, დაიცვათ და შეასრულოთ ქვემოთ მოცემული მომხმარებლის ყველა წესი და პირობა.

 

1. ტერმინთა განმარტებები

1.1 “ვებ-გვერდი” - www.tenderers.net

1.2 “ვებ-გვერდის მფლობელი” – შპს „ტი.ემ.სი“.

1.3 “მომხმარებელი” - ფიზიკური ან იურიდიული პირი, რომელმაც ვებ-გვერდზე გაიარა რეგისტრაცია.

1.4 “განცხადება” – შესყიდვის ფორმა, რომლის საშუალებით შემსყიდველ ორგანაზაციას შესაძლებლობა აქვს ჩაატაროს გამოკითხვა, მიიღოს ინფორმაცია მომწოდებლების შესახებ, მოსთხოვოს მათ საკვალიფიკაციო დოკუმენტაციის წარმოდგენა, გაუგზავნოს მოთხოვნა წინადადების ან განფასების წარსადგენად (RFP, RFQ). მოდულის საშუალებით შემსყიდველ ორგანაზიაციას შესაძლებლობა აქვს შესყიდვის შესახებ ინფორმაცია დაუგზავნოს ბაზაში რეგისტრირებულ მსგავსი (CPV კოდი) პროფილის მქონე ყველა მომწოდებელს ან/და სპეციალური ფუნქციის გამოყენებით მოიწვიოს მისთვის სასურველი მომწოდებელი კომპანია.

1.5 „ელექტრონული ტენდერი“ შესყიდვის ფორმა, რომლის საშუალებით შემსყიდველ ორგანიზაციას აქვს შესაძლებლობა ჩაატაროს ელექტრონული ტენდერი და შეარჩიოს საუკეთესო წინადადების წარმომდგენი კომპანია. ელექტრონული ტენდერის მოდულის გამოყენებით შესაძლებელია ჩატარდეს სამეტაპიანი ვაჭრობა, რომლის დროსაც მომწოდებელი კომპანიები რეალურ დროში ვაჭრობის რეჟიმში წარადგენენ შესყიდვის ობიექტის მიწოდების ფასს. გარდა სამეტაპიანი ვაჭრობისა, შესაძლებელია ელექტრონული ტენდერის ვაჭრობის გარეშე ჩატარება. ასეთ შემთხვევაში მომწოდებელი კომპანიები ფასს აფიქსირებენ ტენდერის გამოცხადების ძირითად დროში.

1.6 „ელექტრონული ტენდერი პრეკვალიფიკაციით“ - შესყიდვის ორმოდულიანი ფორმა, როდესაც შემსყიდველ ორგანიზაციას შესაძლებლობა აქვს პირველ ეტაპზე დააწესოს საკვალიფიკაციო მოთხოვნები და ჩაატაროს პრეკვალიფიკაცია. მეორე ეტაპზე კი შემსყიდველი ორგანიზაცია შეარჩევს იმ მომწოდებელ კომპანიებს, რომლებმაც დააკმაყოფილეს საკვალიფიკაციო მოთხოვნები და მოიწვევს მათ ელექტრონულ ტენდერში მონაწილეობის მისაღებად. შემდეგ შესაძლებელია ჩატარდეს სამეტაპიანი ელექტრონული ვაჭრობა ან ელექტრონული ტენდერი ვაჭრობის გარეშე და გამოვლინდეს საუკეთესო წინადადების მქონე მომწოდებელი კომპანია.

1.7 “წინადადება” – შეთავაზება, მათ შორის სატენდერო შეთავაზება, რომელიც ვებ-გვერდის მეშვეობით მომხმარებელმა წარუდგინა სხვა მომხმარებელს უკანასკნელის მიერ გამოცხადებული განცხადების შედეგად.

1.8 “წესები” – წინამდებარე ვებ-გვერდის მოხმარების პირობები და წესები.

1.9 “ვებ-გვერდზე განთავსებული ინფორმაცია” – მომხმარებლების მიერ ვებ-გვერდზე განთავსებული ნებისმიერი ინფორმაცია, მათ შორის განცხადება, წინადადება და/ან სისტემაში არსებული ჩატის საშუალებით მომხმარებლების მიერ გაგზავნილი რაიმე ინფორმაცია, და/ან მომხმარებლების მიერ სისტემაში ატვირთული ნებისმიერი ფაილების სახით გაგზავნილი ინფორმაცია და სხვა.

 

2. ზოგადი პირობები

2.1 მომხმარებელი ვებ-გვერდზე ინფორმაციას ანთავსებს და/ან ვებ-გვერდის მეშვეობით აგზავნის პირადად, თავისი სურვილით, საკუთარი ინტერესებიდან გამომდინარე. მომხმარებელი დამოუკიდებლად იღებს ნებისმიერ გადაწყვეტილებას საიტზე განთავსებულ ინფორმაციასთან დაკავშირებით და ასევე საკუთარ თავზე იღებს ამგვარი გადაწყვეტილების მიღებით არსებულ ნებისმიერ რისკს. ვებ-გვერდის მფლობელი არ ერევა ამ გადაწყვეტილებების მიღების პროცესში და არ არის პასუხიმგებელი მომხმარებლების მიერ ამ გადაწყვეტილებების მიღებასთან და მათთან დაკავშირებულ რისკებთან.

2.2 ვებ-გვერდი და ვებ-გვერდის მფლობელი არ არის ვებ-გვერდზე განთავსებული ინფორმაციის ავტორი და არ შეიძლება მიჩნეულ იქნას მხარედ ვებ-გვერდზე განთავსებული ინფორმაციის მეშვეობით მომხმარებლებს შორის შეთანხმებული და/ან დადებული რაიმე სახის გარიგების მიზნებისთვის. ვებ-გვერდი მომხმარებლებს აძლევს შესაძლებლობას ვებ-გვერდის ტექნიკური პლატფორმის გამოყენებით განათავსონ ინფორმაცია საკუთარი შეხედულებისა და ინტერესებისამებრ; ეხმარება მომხმარებლებს განცხადებების გავრცელებაში და აძლევს მომხმარებლებს ერთმანეთთან ელექტრონულად და/ან სხვა ფორმით დაკავშირების შესაძლებლობას.

2.3 ვებ-გვერდის მფლობელი არ არის ვალდებული გადაამოწმოს ვებ–გვერდზე განთავსებული ინფორმაციის შინაარსი და ინფორმაციის სიზუსტე. ვებ გვერდის მფლობელი არ არის პასუხისმგებელი ასეთი ინფომაციის უზუსტობით გამოწვეული შესაძლო ფინანსური დანაკარგისა თუ სხვა რაიმე სახის ზარალის ანაზღაურებაზე.

2.4 ვებ-გვერდზე მომხმარებლების მიერ განთავსებული ინფორმაცია არ ფლობს იურიდიულ ძალას. მომხმარებელი ვალდებულია თავად გადაამოწმოს ასეთი ინფორმაციის სისწორე სხვა მომხმარებელთან რაიმე სახის შეთანხმების დადებამდე.

2.6 ვებ-გვერდზე განთავსებული ინფორმაცია არის ღია ნებისმიერი სხვა მომხმარებლისთვის, გარდა ამ წესების 2.7, 2.8 და 2.9 პუნქტებით გათვალისწინებული შემთხვევებისა

2.7 მომხმარებელს საშუალება აქვს განცხადების გამოცხადებისას მონიშნოს ველი, რომლის ფუნქციის არჩევის შემთხვევაში განცხადების განთავსების შესახებ შეტყობინებას მიიღებს ბაზაში რეგისტრირებული შესაბამის სფეროში (CPV კოდი) სპეციალიზირებული ყველა მომწოდებელო კომპანია. ან აირჩიოს დახურული ტიპის განცხადება - როცა განთავსების შესახებ შეტყობინებას მიიღებს ბაზაში რეგისტრირებული მხოლოდ ის მომწოდებელი კომპანიები, რომლებსაც მიუთითებს შემსყიდველი.

2.8 მიღებული შემოთავაზებები და შესყიდვის შედეგები ხელმისაწვდომია რეგისტრირებული ყველა მომხმარებლისთვის, გარდა იმ შემთხვევისა როდესაც სპეციალური ველის გააქტიურებით შემსყიდველს შესაძლებლობა აქვს დამალოს მომწოდებელი კომპანიების მიერ წარმოდგენილი წინადადებები (დოკუმენტაცია, ფასი და ა.შ)

2.9 შემსყიდველ ორგანიზაციას აქვს საშუალება სპეციალური ველის გააქტიურებით დარჩეს ანონიმური. ამ ფუნქციის გამოყენებით განცხადების გამომცხადებელი მომხმარებლის ვინაობა დამალული დარჩება სხვა მომხმარებლებისათვის.

 

3. მომხმარებლის რეგისტრაცია

3.1 ვებ-გვერდზე რეგისტრაციის გასავლელად, საჭიროა მომხმარებელმა შეავსოს შესაბამისი სავალდებულო ველები, გაეცნოს და დაეთანხმოს წინამდებარე წესებს.

3.2. მომხმარებლის მიერ სავალდებულო ველების შევსებით ვებ-გვერდზე რეგისტრაციის პროცესი არ სრულდება.

3.3. რეგისტრაციის დასრულების მიზნით, ვებ-ვერდის ადმინისტრატორი მომხმარებლის მიერ მითითებულ ელექტრონულ ფოსტაზე ინფორმაციის შევსებიდან არაუგვიანეს 24 (ოცდაოთხი) საათში აგზავნის ბმულს, რის მიხედვითაც მოხდება მომხმარებლის რეგისტრაცია.

3.4. რეგისტრაციისას მითითებული ინფორმაციის სისწორეზე პასუხისმგებელიამომხმარებელი.

 

4. განცხადების განთავსება და წინადადებების წარდგენა

4.1 მომხმარებელს საშუალება აქვს განათავსოს განცხადება ან/და მონაწილეობა მიიღოს გამოცხადებულ კონკურსში.

4.2. ვებ-გვერდის მომსახურება არის უფასო

 

5. მომხმარებლის უფლებები და ვალდებულებები

5.1 ვებ-გვერდზე განცხადების დამატების უფლება აქვს ნებისმიერ ფიზიკურ და იურიდიულ პირს.

5.2 მომხმარებელს ეკისრება საკუთარი მომხმარებლის სახელისა და პაროლის კონფიდენციალობის დაცვის ვალდებულება და სრული პასუხისმგებლობა ყველა იმ ოპერაციაზე, რომელიც განხორციელდება მომხმარებლის სახელითა და პაროლით. მომხმარებელი ვალდებულია: 1. დაუყოვნებლივ აცნობოს საიტის ადმინისტრაციას პაროლისა და ანგარიშის ნებისმიერი არასანქცირებული გამოყენების და უსაფრთხოების ნორმების ნებისმიერი სხვა სახის დარღვევის შესახებ; 2. ყოველი წვდომის შემდგომ უზრუნველყოს ანგარიშიდან გამოსვლა

5.3 რეგისტრირებულ მომხმარებელს უფლება აქვს, ნებისმიერ დროს, საჭიროებისამებრ შეცვალოს ან განაახლოს თავის პროფილი.

5.4 მომხმარებელი ვალდებულია მისი მომხმარებლის სახელისა და პაროლის არასანქცირებული გავრცელების შემთხვევაში დაუყოვნებლივ განახორციელოს პაროლის ცვლილება ან დაუყოვნებლივ აცნობოს ვებ-გვერდის ადმინისტრაციას მომხმარებლის სახელისა და პაროლის არასანქცირებული გავრცელების შესახებ.

5.5 მომხმარებელს არ აქვს უფლება ვებ-გვერდზე განათავსოს ან ვებ-გვერდის მეშვეობით გააგზავნოს ისეთი სახის ინფორმაცია, რომელიც ეწინააღმდეგება საქართველოში მოქმედ შესაბამის კანონმდებლობას. ვებ-გვერდზე დარეგისტრირებული ყველა მომხმარებელი საქართველოს კანონმდებლობის შესაბამისად პასუხს აგებს მის მიერ ვებ-გვერდზე განხორციელებული ყველა მოქმედების შესაძლო იურიდიულ შედეგზე.

5.6 მომხმარებელი არაუფლებამოსილია ვებ-გვერდზე განათავსოს ისეთი ინფორმაცია, რომელმაც შესაძლოა მატერიალური ან ნებისმიერი სხვა სახის ზიანი მიაყენოს ვებ-გვერდის მფლობელს.

5.7 თუ მომხმარებელს სხვა მომხმარებლის მიმართ წარმოეშვება რაიმეს სახის პრეტენზია ან გაუგებრობა, იგი წარადგენს თავის პრეტენზიას უშუალოდ იმ მომხმარებელთან, რომლის მიმართაც აქვს პრეტენზია, ვებ-გვერდის მფლობელისგან დამოუკიდებლად და მისი წინასწარი შეტყობინების/ ან მისთვის პრეტენზიის წარდგენის გარეშე. ვებ-გვერდის მფლობელი (ასევე მისი ნებისმიერი თანამშრომელი) არ იღებს პასუხისმგებლობას ამგვარი სახის მოთხოვნასთან/გაუგებრობასთან დაკავშირებით, მათ შორის: ზარალის კომპენსაციასთან ხარჯების ანაზღაურებასთან და ნებისმიერი დანახარჯის ანაზღაურებასთან დაკავშირებით.

5.8 მომხმარებელი ვალდებულია იმოქმედოს საქართველოს მოქმედი კანონმდებლობის და წინამდებარე წესების შესაბამისად და ამასთანავე იღებს პასუხისმგებლობას მის მიერ ვებ-გვერდზე განხორციელებულ ნებისმიერ ქმედებაზე. მომხარებელს ეკრძალება ვებ-გვერდზე ისეთი სახის ინფორმაციის განთავსება: 1) რომელსაც განზრახ შეცდომაში შეჰყავს სხვა მომხმარებელი, 2) რომელიც ლახავს მესამე პირის ღირსებას ან ბიზნეს რეპუტაციას, 3) რომელიც შეიცავს რელიგიური, ეთნიკური ან სხვა ტიპის უმცირესობათა დისკრიმინაციას, 4) რომელიც შეიცავს სიძულვილის ენას ან მუქარას ვინმეს მიმართ, 5) რომელიც შეიცავს უცენზურო სიტყვებს.

5.9 მომხმარებელი თავისუფალია განსაზღვროს მის მიერ განთავსებული განცხადების/წინადადების პირობები და აირჩიოს თუ რომელ მომხმარებელთან და რა შემთხვევაში სურს შემდგომი სახელშეკრულებო ურთიერთობის გაგრძელება.

5.10 ვებ-გვერდის მფლობელის თანხმობის გარეშე მომხმარებელს არ აქვს პლატფორმის შემადგენელი ელემენტების, მათ შორის, სისტემური ტექსტის, კოდის, გრაფიკული გამოსახულების, პროგრამული კოდის, პროგრამული უზრუნველყოფის შეცვლის, ატვირთვის, გადმოტვირთვის, კოპირების, გამოქვეყნების, ან ნებისმიერი სხვა სახით გავრცელების უფლება.

5.11 სისტემური მოთხოვნები: სისტემის გამართულად მოხმარებისთვის, მომხმარებლის ტექნიკური აღჭურვილობა, პროგრამული უზრუნველყოფა და ინტერნეტ–კავშირი უნდა აკმაყოფილებდეს მინიმალურ რეკომედირებულ მოთხოვნებს:ინტერნეტთან კავშირის სიჩქარე (ატვირთვა/ჩამოტვირთვა) – 2 მგბ/წმ; ბროუზერი Mozilla Firefox 3.6 (ან შემდგომი ვერსია) / ან Intenet Explorer 7 (ან შემდგომი ვერსია) / ან Google Chrome. საიტის ადმინისტრაცია პასუხს არ აგებს მომხმარებლის მიერ ზემოთ ჩამოთვლილი მინიმალური მოთხოვნების შეუსრულებლობის შემთხვევაში სისტემის გამოყენების შედეგებზე.

 

6. ვებ-გვერდის მფლობელის უფლებები და ვალდებულებები

6.1 ვებ-გვერდის მფლობელი არ აგებს პასუხს მომხმარებლების მიერ ვებ-გვერდზე განთავსებული ინფორმაციის შინაარსსა და მის სისწორეზე.

6.2 ვებ-გვერდის მფლობელი იტოვებს უფლებას გაზარდოს ან შეამციროს ვებ-გვერდზე განცხადების განთავსებისა და წინადადების წარდგენის საფასური მომხმარებელთა წინასწარი ინფორმირების გარეშე.

6.3 ვებ-გვერდის მფლობელს უფლება აქვს მომხმარებლის წინასწარი გაფრთხილების გარეშე წაშალოს განცხადება, რომელიც რაიმე ფორმით ეწინააღმდეგება ამ ვებ-გვერდის წესებს ან საქართველოს კანონმდებლობას.

6.4 ვებ-გვერდის მფლობელს უფლება აქვს წინასწარი გაფრთხილების გარეშე მოახდინოს იმ მომხმარებლების დეაქტივაცია, რომელთა ქმედება ეწინააღმდეგება ამ ვებ-გვერდის წესებს ან საქართველოს კანონმდებლობას.

6.5 მომხმარებლის მიერ ვებ-გვერდზე განთავსებული ინფორმაცია ინახება ვებ-გვერდის სერვერში და უზრუნველყოფილია მაღალი ხარისხის უსაფრთხოებით.

6.6 ვებ-გვერდის მფლობელი უზრუნველყოფს ვებ-გვერდის გამართულ მუშაობს, გარდა ფორს-მაჟორული მდგომარეობისა, როდესაც ვებ-გვერდის გამართული მუშაობის უზრუნველყოფა სცილდება ვებ-გვერდის მფლობელის ძალებს (ინტერნეტის მიწოდების დაზიანება, კიბერ-შეტევა და სხვა).

6.7 სატენდერო წინადადების ფასის შეთავაზებისთვის განკუთვნილი დროის ბოლო 30 წამში გაკეთებული შეთავაზება (როგორც ძირითად დროში, ასევე დამატებით რაუნდებში) შესაძლოა არ აისახოს სისტემაში სერვერთან დასაკავშირებლად საჭირო დროის გათვალისწინებით. ამგვარ შემთხვევებში, ვებგვერდის ადმინისტრაცია პასუხს არ აგებს გაკეთებული შეთავაზების სისტემაში ასახვაზე და აღნიშნული წარმოადგენს პრეტენდენტის რისკს.

6.8 ვებ-გვერდის მფლობელი ვალდებულია მომხმარებლებს მათ მიერ რეგისტრაციისას მითითებულ ელექტრონულ ფოსტაზე მინიმუმ 24 საათით ადრე აცნობოს ვებ-გვერდზე დაგეგმილი გეგმიური ტექნიკური სამუშაოების განხორციელების შესახებ, რომელმაც შესაძლოა გამოიწვიოს ვებ-გვერდის გამართულად ფუნქციონირების შეფერხება. მომხმარებელს არა აქვს უფლებას წარმოადგინოს რაიმე პრეტენზია ან ფინანსური მოთხოვნა ამგვარ შეტყობინებაში მითითებული პერიოდის განმავლობაში ვებ-გვერდის ტექნიკური გაუმართაობასთან დაკავშირებით.

6.9 ვებ-გვერდის მფლობელს უფლება აქვს შეიტანოს ცვლილებები წინამდებარე წესებში მომხმარებელთა წინასწარი გაფრთხილების გარეშე, ამასთან ვებ-გვერდის მფლობელი ვალდებულია წინამდებარე წესებში შეტანილი ცვლილებების შესახებ აცნობოს მომხმარებლებს მათ მიერ რეგისტრაციისას მითითებულ ელექტრონულ ფოსტაზე წერილის გაგზავნით.

6.10 ვებ-გვერდის მფლობელი უფლებამოსილია თავისი შეხედულებისამებრ შეარჩიოს ვებ-გვერდის უსაფრთხოების ზომები და ვალდებულია უზრუნველყოს შერჩეული უსაფრთხოების ზომების გამართული მუშაობა. ვებ-გვერდის მფლობელი თავისუფლდება ნებისმიერი პასუხისმგებლობისაგან და არ აგებს ფინანსურ პასუხისმგებლობას დაკავშირებულს მესამე პირის მიერ განხორციელებული კიბერ-შეტევით.

 

7. დავების გადაწყვეტა

7.1 ამ წესებთან დაკავშირებით წარმოშობილი ყველა დავა გადაიჭრება ურთიერთშეთანხმების გზით. შეთანხმების მიუღწევლობის შემთხვევაში, დავის გადასაწყვეტად მხარეები უფლებამოსილნი არიან მიმართონ სასამართლოს საქართველოს მოქმედი კანონმდებლობის შესაბამისად.

 

8. ფაილების ატვირთვა

8.1 სიტემაში ნებისმიერი დოკუმენტის ატვირთვა შესაძლებელია მხოლოდ pdf-ფორმატში. თითოეული ფაილის ზომა არ უნდა აღემატებოდეს 8 (რვა) მეგაბაიტს. მომხმარებლის მიერ სისტემაში ატვირთული ფაილი არ უნდა შეიცავდეს ვირუსებს და ისინი უნდა შეესაბამებოდნენ შემსყიდველი ორგანიზაციის მიერ კონკრეტულ ტენდერთან დაკავშირებით მოთხოვნილ ინფორმაციას.

 

9. განსაკუთრებული პირობები 

9.1 განმცხადებელი ვებ-გვერდის პირობებს ეცნობა (ვებ-გვერდის მისამართი: www.tenderers.net) ელექტრონული ფორმატით და ვებ-გვერდის ბოლოს მითითებულ „ღილაკზე“ თითის დაჭერით აცხადებს თანხმობას. აღნიშნული თანხმობით ის ადასტურებს, რომ სრულად გაეცნო ვებ-გვერდის პირობებს, სრულად გააცნობიერა მისი შინაარსი და სამართლებრივი შედეგები, არანაირი ბუნდოვანება მასთან დაკავშირებით არ აქვს, მისთვის სრულიად მისაღებია და იგი ვალდებულია კეთილსინდისიერად შეასრულოს ყველა პირობა, უერთდება მას და მის მიერ ელექტრონული ფორმით გაკეთებული თანხმობა უთანაბრდება მის მიერ წინამდებარე ვებ-გვერდის პირობებზე ხელმოწერას. განმცხადებლის მიერ აღნიშნულთან დაკავშირებით ყველა სხვაგვარი ინტერპრეტაცია ან მითითება იმაზე, რომ მისთვის არ იყო ცნობილი აღნიშნულის შესახებ, მომავალში ჩაითვლება ბათილად.

9.2 წინამდებარე პირობები ძალაში შედის განმცხადებლის მიერ კომპანიის ვებ გვერდზე განთავსებული პირობების ელექტრონული ფორმის გაცნობის და დათანხმების მომენტიდან და მოქმედებს განმცხადებლის რეგისტრაციის გაუქმებამდე.

9.3 განმცხადებელი ადასტურებს, რომ არის სრული ქმედუნარიანი და ვებ-გვერდზე მითითებულ ღილაკზე დათანხმების დროს არ იმყოფება ალკოჰოლის, ნარკოტიკების, ფსიქოტროპული პრეპარატის და ტოქსიკური საშუალებების ზემოქმედების ქვეშ.